In Focus

ခရီးသွားလုပ်ငန်းအတွက် စိန်ခေါ်မှု ဖြစ်နေဆဲဖြစ်သည့် အစားအသောက် ဘေးအန္တရာယ်ကင်းရေးနှင့် သန့်ရှင်းမှု

missing
Photo - Phyo Thiha

ကမ္ဘာ့ခရီးသွားလုပ်ငန်းကောင်စီက၂၀၁၇ခုနှစ် အတွင်းတွင် မြန်မာနိုင်ငံ၏ ခရီးသွားလုပ်ငန်းသည် ကျပ် ၂,၆၆၈ ဒသမ ၂ ဘီလီယံရရှိခဲ့ပြီး နိုင်ငံ၏ ဂျီဒီပီကို ၃ ဒသမ ၅ရာခိုင်နှုန်း ထောက်ပံ့ပေးနိုင်ခဲ့ သည်ဟု သတင်းထုတ်ပြန်ခဲ့သည်။

ဟိုတယ်နှင့်ခရီးသွားလာရေးဝန်ကြီးဌာနကလည်း ၂၀၁၇ခုနှစ် တစ်နှစ်လုံးတွင် မြန်မာနိုင်ငံသို့ပြည်ပမှ ခရီးသွားဧည့်သည် ၃ ဒသမ ၄၄ သန်းဝင်ရောက်ခဲ့သည်ဟု အတည်ပြုထားသကဲ့သို့ မြန်မာနို င် ငံခရီးသွားလုပ်ငန်းရှင်အသင်းအနေဖြင့်လည်း  ပြည်ပခရီးသွားဧည့်သည်တစ်ဦးသည် တစ်ရက်လျှင် ဒေါ်လာ ၁၀၀ မှ ၁၇၀ ကြားသုံးစွဲကြသည်ဟု မှတ်ချက်ပြုထားမှုများ ရှိသည်



သို့သော် မြန်မာနိုင်ငံ၏လမ်းဘေး အစားအစာရောင်းချသည့်ဆိုင်နှင့် စားသောက်ဆိုင်အများစုကို အစားအသောက်ဘေး ကင်းလုံခြုံမှု၊သန့်ရှင်းမှုနှင့်ပက်သက်၍ ပြည်ပခရီးသွားဧည့်သည်များမှာ သံသယ ရှိနေဆဲဖြစ်ကြောင်း ခရီးသွားလုပ်ငန်းနှင့် ဆက်နွယ်လုပ်ကိုင်နေသူများ သုံးသပ်မှုများရှိနေသည်



ထို့ကြောင့် ကျန်းမာရေးနှင့်ညီညွတ်အောင် စနစ်တကျချက်ပြုတ်ထားသည့် စားသောက်ဆိုင်များကို ခရီးသွားလုပ်ငန်း လုပ်ကိုင်သည့် ကုမ္ပဏီများနှင့်ဧည့်လမ်းညွှန်များက ဆက်သွယ်ချိတ်ဆက်၍  ပြည်ပ ဧည့်သည်များအတွက် စီစဉ်ပေးနေရသည်ဟု ၎င်းတို့က ဆိုသည်။

မြန်မာနိုင်ငံသို့ လာရောက်မည့် ပြည်ပ ခရီးသွားဧည့်သည်များအတွက် ဆောင်ရန်၊ရှောင်ရန် အသိပေးထားသည့် လမ်းညွှန်စာအုပ်များတွင်လည်း မြန်မာနိုင်ငံ၏ စားသောက်ဆိုင်၊ လမ်းဘေးဆိုင် များနှင့် ပတ်သက်သည့် သတိပေးချက်များပါရှိသည်ဟု သိရသည်။

ဧည့်လမ်းညွှန်(အင်္ဂလိပ်)တစ်ဦးဖြစ်သူ ကိုရဲအောင်ဇော်က '' ကျွန်တော်တို့ ကုမ္ပဏီနဲ့ချိတ်ဆက်ပြီးသွားတဲ့ခရီးစဉ်တွေမှာ ပါတဲ့ဧည့်သည်ဆယ်ဦးမှာ ဆယ်ဦးစလုံးက လမ်းဘေးအစားအစာကို ရှောင် ကြပါတယ်။ Hygienic မဖြစ်ဘူး၊ ကျန်းမာရေးနဲ့ မညီညွတ်ဘူးဆိုပြီးတော့ပေါ့ '' ဟု My Magical Myanmar ကို ပြောသည်။

ထို့ပြင် Nature Dream Tour ကုမ္ပဏီ၏ ပိုင်ရှင်ဖြစ်သူ ဒေါ်စံပယ်အောင်က ယခင်ကျန်းမာရေးနှင့်မညီညွတ်သော အစားအစာများနှင့် သန့်ရှင်းမှုမရှိသော အစား အစာများကို ပြည်ပခရီးသွား ဧည့် သည်များ စားသုံးခဲ့ရာမှ သေဆုံးခဲ့သည့်ဖြစ်စဉ်များနှင့်ဝမ်းပျက်ဝမ်းလျှောဖြစ်ခဲ့ပြီး မိမိနိုင်ငံသို့ပြန်သွားရသည့်အ ဖြစ်မျိုးရှိသဖြင့် ''ကိုယ့်ခရီးသွားဧည့်သည်ကို တစ်နိုင်တပိုင် သတိပေးတာတွေ လုပ်ရ ပါတယ်'' ဟု ဆိုသည်။

မြန်မာနိုင်ငံတွင် ခေတ္တနေထိုင်သည့် ပြည်ပဧည့်သည်များနှင့် အလွတ်သဘောဖြင့် လာရောက်လည်ပတ်သည့် ပြည်ပခရီးသွားဧည့်သည်များ (Free IndependentTravelerFIT) များသာ လမ်းဘေး ဈေးဆိုင်များနှင့်နီးစပ်ရာစားသောက်ဆိုင်များကိုသာ အသုံးပြုလေ့ရှိသော်လည်း ပြည်ပမှ ခရီးသွားကုမ္ပဏီများမှတဆင့် လာရောက်လည်ပတ်မှု (Package Tour) ဖြင့် လာရောက်သည့်နိုင်ငံခြားသား ခရီးသွားများမှာ လမ်းဘေးဈေးဆိုင်များနှင့်ကျန်းမာရေးနှင့်မညီညွတ်သော စားသောက်ဆိုင်များကို ရှောင်လေ့ရှိကြသည်။

လမ်းဘေးဆိုင်များနှင့် စားသောက်ဆိုင်များ၏ အစားအသောက်များ
မြန်မာနိုင်ငံ၏ လမ်းဘေးအစားအစာဆိုင်များနှင့်စားသောက်ဆိုင်များသည် အိုးခွက်ပန်းကန်များကို မသန့်ရှင်းသည့်ရေဖြင့်ဆေးကြောခြင်း၊ အစားအစာများကိုဖုံးအုပ်မထားခြင်း၊ အစားအသောက်များ ကို သတ်မှတ်ထားသည့်အသုံးဆောင်ပစ္စည်းဖြင့် ကိုင်တွယ်မှုမရှိခြင်းတို့ကဆင့် ဝမ်းပျက်ဝမ်းလျှောရောဂါနှင့် အခြားသော ကူးစက်ရောဂါများဖြစ်ပွားလာနိုင်သည်ဟု အစာ အာဟာရဆိုင်ရာ သိပ္ပံနှင့် နည်းပညာအသင်း (Food Science and Technology Association-FoSTA Myanmar) က ထောက်ပြမှုများရှိသည်။

ထို့အပြင် အများစုရောင်းချလျက်ရှိသည့် အစားအစာများဖြစ်သော ငပိနှင့်လက်ဖက်များတွင် ဆိုးဆေးများသုံးစွဲထားခြင်း၊ ငရုတ်သီးများတွင် မှိုပါဝင်ခြင်း (Aflatoxin) နှင့် အသုံးပြုသည့် ဆီများ ကျန်းမာ ရေးနှင့်ညီညွတ်နေမှုမရှိခြင်း စသည့်အချက်များကို တွေ့ရှိနေရကြောင်း ၎င်းအဖွဲ့အစည်းက အတည်ပြုထားသည်။'' Food Hygiene ကတော့ အားလုံးသိတဲ့အတိုင်း မြန်မာတစ်နိုင်ငံလုံးဆိုရင် အရမ်း ကို အားနည်းနေတာကို တွေ့ရပါတယ်။ ဘာလို့လဲဆိုတော့ အစားအစာတွေမှာ ဘေးအန္တရာယ်အမျိုးမျိုးတွေ့ရတဲ့အခါမှာဆိုရင် good manufacture practice မရှိခဲ့ဘူး'' ဟု အစာအာဟာရဆိုင်ရာ သိပ္ပံနှင့်နည်းပညာအသင်း၏ ဥက္ကဋ္ဌ ဒေါက်တာဝင်းဝင်းကြည်က မှတ်ချက်ပြုသည်။

''လမ်းဘေးဆိုင်ဆိုတာ အများစုစားနေရတဲ့ ဆိုင်တွေဖြစ်ပါတယ်။ဒါကြောင့် သူတို့ကို ကျန်းမာရေးနဲ့အညီ ရောင်းချနိုင်အောင် ပညာတွေ အများကြီးပေးဖို့လိုပါတယ်''ဟု ၄င်းက တိုက်တွန်းသည်။

ထို့ပြင် လမ်းဘေးဈေးဆိုင်များနှင့်စား သောက်ဆိုင်များကို ကျန်းမာရေးနှင့်ညီညွတ်စွာရောင်းချနိုင်စေရန် စစ်ဆေးပေးလျက်ရှိသည့်ရန်ကုန်မြို့တော်စည်ပင်သာယာရေးကော်မတီ ကျန်းမာရေးဌာနမှ တာဝန်ရှိသူများကလည်း လိုက်လံစစ်ဆေးသည့်အခါ အစားအသောက်နှင့် ဆေးဝါးကွပ်ကဲမှုဌာန(FDA)၏ အသိအမှတ်ပြုပစ္စည်းများကို ရောင်းချမှုမရှိခြင်း၊အစားအစာများ ကို ဖုံးအုပ်ထားမှု အားနည်း
ခြင်း၊ ဆိုင်၏ ပတ်ဝန်းကျင် သန့်ရှင်းရေး မကောင်းခြင်းများကို တွေ့နေရသည်ဟု ဆိုသည်။

''နိုင်ငံခြားသားတွေအတွက်ဆိုရင်တော့ street food တွေကိုတော့ recommend မပေးနိုင်ပါဘူး။ အဓိက ကတော့ tour guide  တွေက food safety နဲ့ပက်သက်ပြီးတော့ အထိုက်အလျောက် စိတ် ချရတဲ့ ဆိုင်တွေကိုပဲ သွားစေချင်တယ်'' ဟု ရန်ကုန်မြို့ တော်စည်ပင်သာယာရေးကော်မတီ ကျန်းမာရေးဌာနမှ ခေတ္တဌာနမှူး ဒေါက်တာ သန်းသန်းလွင်က မှတ်ချက်ပေးသည်။

ရန်ကုန်တိုင်းဒေသကြီး၊အစားအသောက်နှင့် ဆေးဝါးကွပ်ကဲရေးဦးစီးဌာနအနေဖြင့်လည်း လမ်းဘေးဆိုင်နှင့်စားသောက်ဆိုင်များ အဓိကအသုံးပြုနေသော အစားအသောက်ထုတ်ကုန်များနှင့် ထုတ် ပိုးရောင်းချသည့်အစားအသောက်ပစ္စည်းများကို စစ်ဆေးရာတွင် ခွင့်ပြုချက်မရှိဘဲ ဖော်မလင်နှင့် ဆိုးဆေးများ အသုံးပြုခြင်းနှင့် ငရုတ်သီးများတွင် မှိုပါဝင်မှုများ ရှိနေကြောင်း  အတည်ပြုထားသည်။

''ဒါတွေကို ကျွန်တော်တို့ဓာတ်ခွဲခန်းက စက်တွေနဲ့တိုင်းပေးတယ်။ လိုတာထက် ပိုသုံးတာတွေ့ရင် ကျွန်တော်တို့က ဖျက်ဆီးပစ်ပါတယ်'' ရန်ကုန်တိုင်းဒေသကြီး၊အစားအသောက် နှင့် ဆေးဝါး ကွပ်ကဲ ရေးဦးစီးဌာနမှ ဒုတိယညွှန်ကြားရေးမှူး ဒေါက်တာမင်းဝန်က ပြောသည်။

အာဏာပိုင်အဖွဲ့အစည်းများ၏ စစ်ဆေးဆောင်ရွက်နေမှု
ရန်ကုန်မြို့တော်စည်ပင်သာယာရေးကော်မတီ၊ ကျန်းမာရေးဌာနအနေဖြင့် ပြည်ပခရီးသွားဧည့်သည်များ အစားအသောက် ဘေးအန္တရာယ် ကင်းရှင်းစေရန်အတွက် နိုင်ငံခြားသားအများစု လာရောက် စားသောက်ကြသော စားသောက်ဆိုင်တွေကို  လိုအပ်သည်များကို ပြင်ဆင်နိုင်ရန် စစ်ဆေးပေးလျက်ရှိသည်ဟု သိရသည်။

ထို့ပြင် သက်ဆိုင်ရာမြို့နယ်များအလိုက် လမ်းဘေးဆိုင်များနှင့် လိုင်စင်ရစားသောက်ဆိုင်များ ပြန်လည်စစ်ဆေးခြင်းများကို တစ်ပတ်လျှင် တစ်ကြိမ်သို့မဟုတ် နှစ်ကြိမ်ခန့်နှင့် ဗဟိုစစ်ဆေးရေး အဖွဲ့ အနေဖြင့် တစ်လလျှင် တစ်ကြိမ်ခန့်ဖြင့် စစ်ဆေးနိုင်ရန် ကြိုးပမ်းဆောင်ရွက်နေသည်။ ထိုသို့ စစ်ဆေးရာတွင် ကျန်းမာရေးနှင့်ညီညွတ်စွာရောင်းချနိုင်စေရန် စားသောက်ဆိုင်များ အတွက် စည်းကမ်း ချက် ၁၂ချက် နှင့် ပျံကျစားဈေးဆိုင်များအတွက် စည်းကမ်းချက် ၁၂ ချက်တို့သတ်မှတ်ကာ အဆိုပါစည်းကမ်းချက်များတွင် ချက်ပြုတ်ရာတွင် အသုံးပြုမည့်ရေသည် သန့်ရှင်းသည့်ရေဖြစ်ရန်၊ သန့်ရှင်း လတ်ဆတ်သော အစားအစာနှင့်ကုန်ကြမ်းများသာ အသုံးပြု ရန်၊ အမှိုက်နှင့် အညစ်အကြေးများကို သတ်မှတ်နေရာများတွင်သာ စွန့်ပစ်ရန်၊ အစားအသောက်ချက်ပြုတ်သူသည် တစ်ကိုယ်ရေ သန့် ရှင်းမှုရှိရန် စသည့်အချက်များ ပါဝင်သည်။

'' တခြားလုပ်ငန်းတွေနဲ့လည်ပတ်နေတဲ့အ တွက်ကြောင့်မို့ မနည်းကို စစ်ဆေးနေရပါတယ်။ ဝင်တဲ့အခါကျရင် ဈေးများဌာနကိုလည်း ခေါ်တယ်၊ စည်ပင်ရဲကိုလည်း ခေါ်တယ်။ အရောင်းအဝယ်
ကောင်းနေတဲ့အချိန်မှာဆို ကျွန်မတို့ညွှန်ကြားချက်တွေကို လိုက်နာမှုအားနည်းတာကို တွေ့ရတယ်'' ဟု ဒေါက်တာသန်းသန်းလွင်က ပြောသည်။

၂၀၁၇-၁၈ ဘဏ္ဍာရေးနှစ်တွင် ရန်ကုန်မြို့တော် စည်ပင်သာယာရေးကော်မတီ၊ ကျန်းမာရေးဌာနအနေဖြင့် စားသောက်ဆိုင်၈,၄၃၈ဆိုင်ကျော်နှင့်လမ်းဘေးဆိုင် ၁,၅၇၀ ဆိုင်ကို လိုအပ်၍ပြင်ဆင် သင့်သည်များကို ပြင်ဆင်ရန်စစ်ဆေးညွှန်ကြားခဲ့တယ်။ ထို့ပြင် တိုင်ကြားလာသည့်စားသောက်ဆိုင်များကို ဌာနဆိုင်ရာများနှင့် ပူးပေါင်းစစ်ဆေးပြီး စစ်ဆေးခံရသည့်ဆိုင်မှာ သတ်မှတ်ထားသည့် စည်းကမ်းများကို ဖောက်ဖျက်ကျူးလွန်ထားသည်ကို တွေ့ရှိရပါက လိုင်စင်ကို စီမံရေးရာဌာနက ခေတ္တရုပ်သိမ်းသလို ကျန်းမာရေးထောက်ခံချက်ကို ယာယီဆိုင်းငံ့ထားပြီး ပြန်လည်စစ်ဆေးချိန်တွင် လိုက်နာဆောင်ရွက်မှသာလျှင် လိုင်စင်ပြန်ထုတ်ပေးကြောင်း သိရသည်။

လက်ရှိ လိုင်စင်ထုတ်ပေးထားသော စားသောက်ဆိုင်များနှင့်ပက်သက်၍လည်း ဒေါက်တာသန်းသန်းလွင်က '' ကျွန်မတို့ကအမြဲတမ်းတော့ အာမခံနိုင်ပါဘူး။ တစ်နှစ်စာလုံးအတွက် အာမခံတာ မဟုတ်ဘူး၊ ဒါပေမယ့် သူ့အခြေအနေက ယိုယွင်းလာတယ်ဆိုရင်တော့ အချိန်မရွေးလိုင်စင်ပြန်သိမ်းလို့ရပါတယ်''ဟု မှတ်ချက်ပေးသည်။

ရန်ကုန်တိုင်းဒေသကြီး၊ အစားအသောက်နှင့် ဆေးဝါးကွပ်ကဲရေးဦးစီးဌာနသည် တိုင်ကြားချက်များနှင့် ထူးခြားဖြစ်စဉ်များမှ အပ သက်ဆိုင်ရာခရိုင် လေးခုအလိုက်ဖြင့် တစ်လလျှင်နှစ်ကြိမ်ခန့် စက်ရုံ အလုပ်ရုံ၊ဈေးနှင့် ကုန် တိုက်များတွင် စစ်ဆေးပေးနေသည့်အပြင် ပညာပေးလုပ်ငန်းများကို တစ်လလျှင် ဆယ်ကြိမ်ခန့်ဆောင်ရွက်နေသည်ဟု သိရသည်။  

'' အစားအသောက်အပိုင်းကို စစ်တာဆိုတာထက် သူတို့ဆီမှာရှိတဲ့ ကုန်ကြမ်းတွေကို စစ်တာပေါ့။ စားသောက်ဆိုင်ကတော့ စစ်ရင်းနဲ့ပဲသန့်ရှင်းမှုမရှိတာကို ပြောသွားတာရှိတယ်''ဟု ဒေါက်တာ မင်း ဝန်က ရှင်းပြသည်။ရန်ကုန်တိုင်းဒေသကြီး စားသုံးသူရေးရာ ဦးစီးဌာနအနေဖြင့်လည်း စားသုံးသူများ လုံခြုံစိတ်ချမှုရှိစေရန် စားသုံးသူ အငြင်းပွားဖြေရှင်းရေးအဖွဲ့က ခရိုင်အလိုက် စားသုံးသူများကို
တိုင်ကြားမှုများကို စစ်ဆေးပေးနေပြီး ၂၀၁၇-၂၀၁၈ ဘဏ္ဍာရေးနှစ်အတွင်းရပ်ကွက်၊ ကျောင်း၊ဈေးများ၌ အသိပညာပေးမှုအကြိမ်ပေါင်း ၁,၀၆၆ ကြိမ်လုပ်ခဲ့ပြီးဖြစ်ကြောင်း သိရသည်။

'' ကိုယ်တို့က ဘာတွေလုပ်လဲဆိုတော့ လက်ရှိပညာပေးတာ၊ ကိုယ်တို့ဥပဒေမှာပါတဲ့ အချက်တွေအရ  စားသုံးသူတွေကလည်း ရွေးချယ်ဝယ်ယူစားသုံးဖို့၊ လုပ်ငန်းရှင်တွေကလည်းဥပဒေမှာအတိုင်း အမှတ်တံဆိပ် ပြည့်စုံပြီး ဘေးဥပါဒ်ကင်းအောင် ရောင်းချဖို့ အဲ့လိုမျိုးအသိပညာပေးပါတယ်'' ဟု ရန်ကုန်တိုင်းဒေသကြီး စားသုံးသူရေးရာ ဦးစီးဌာန၊ဒုတိယညွှန်ကြားရေးမှူး ဦးမင်းသိန်းက ပြောသည်။

အိမ်နီးချင်းနိုင်ငံများနှင့် အစားအသောက်ဘေးကင်းလုံခြုံမှုရှိမှု နှိုင်းယှဉ်ချက်
၂၀၁၇ခုနှစ်၊စက်တင်ဘာလတွင် Global Food Security Index ၏ နိုင်ငံအလိုက်အစားအသောက်ဘေးကင်းလုံခြုံမှု အခြေအနေပေါ်မူတည်၍ နိုင်ငံပေါင်း (၁၁၃)နိုင်ငံကို စာရင်းထုတ်ပြန်ခဲ့ရာ မြန်မာနိုင်ငံသည် အဆင့် (၈၀)ရှိခဲ့သည်။ ၎င်းတို့အနက် ဒေသတွင်းအာဆီယံနိုင်ငံဖြစ်သော စင်ကာပူနိုင်ငံသည် အဆင့်(၄)၊မလေးရှားနိုင်ငံသည် အဆင့် (၄၁)၊ထိုင်းနိုင်ငံသည် အဆင့်(၅၅)၊ ဗီယက်နမ်နိုင်ငံသည် အဆင့်(၆၄)၊အင်ဒိုနီးရှားနိုင်ငံသည် အဆင့်(၆၉)နှင့် ဖိလစ်ပိုင်နိုင်ငံသည် အဆင့် (၇၉)ဖြင့် မြန်မာနိုင်ငံအထက် သတ်မှတ်ခံရသည်။

မြန်မာနိုင်ငံ၏  အိမ်နီးချင်း ထိုင်းနိုင်ငံတွင် လမ်းဘေးစားသောက်ဆိုင်များသည် အသိအမှတ်ပြု ရောင်းချခွင့် (Good Manu- facture Practice Certificate) ရရှိရန် ထိုင်းနိုင်ငံ၏ အစားအသောက်နှင့် ဆေးဝါးကွပ်ကဲရေးဦးစီးဌာနထံ သင်တန်း တက်ရောက်ပြီး ယင်းအသိအမှတ်ပြုကတ်ပြားရရှိမှ ဈေးရောင်းချခွင့်လက်မှတ်ထုတ်ပေးသည်။ ထို့ကြောင့် နိုင်ငံခြားသား ခရီးသွားဧည့်သည်များမှာ လမ်း
ဘေးဆိုင်များကို စိတ်ချစွာ စားသုံးရဲကြသည်ဟု ကျန်းမာရေးနှင့်ပတ်သက်သောပညာရှင်များက သုံးသပ်မှုများရှိသည်။

'' သူတို့ဆီမှာ ဒီလက်မှတ်ရှိမှ ရောင်းချခွင့်ပြုတယ်။ မရှိဘဲ ရောင်းရင် ပြင်းပြင်းထန်ထန်ကို အရေးယူတာ''လို့ မန္တလေးရတနာပုံ တက္ကသိုလ်၊ကုန်ထုတ်ဓါတုဗေဒဌာနမှ ပါမောက္ခ(ငြိမ်း) ဒေါက်တာ ရီရီမြင့် က My Magical Myanmar ကို သုံးသပ်ပြသည်။ သူသည် အစာအာဟာရဆိုင်ရာ သိပ္ပံနှင့်နည်းပညာအသင်း၏ အမှုဆောင်အရာရှိတစ်ဦးဖြစ်ပြီး လက်ရှိတွင် ငရုတ်သီးတွင် ပါဝင်သော စိုထိုင်း စကြောင့် မှိုအဆိပ်(Aflatoxin)ဖြစ်ပေါ်လာမှုနှင့် ပတ်သက်၍ သုတေသနပြုလုပ်နေသူတစ်ဦးလည်းဖြစ်သည်။

ရန်ကုန်တိုင်းဒေသကြီးရှိ လမ်းဘေးစား သောက်ဆိုင်ရောင်းချသူများကို ထိုင်းနိုင်ငံရှိ လမ်းဘေးဈေးသည်များကဲ့သို့ အသိအမှတ်ပြုကတ်ပြထုတ်ပေး၍ ရောင်းချစေနိုင်ရန် ဆောင်ရွက်ပေး ရန် ရှိ/မရှိကို ရန်ကုန်မြို့တော် စည်ပင်သာယာရေးကော်မတီ၊ ကျန်းမာရေးဌာနသို့ မေးမြန်းကြည့်ရာ ဒေါက်တာသန်းသန်းလွင်က '' ကျွန်မတို့ဘက်က လမ်းဘေးဆိုင်တွေကို ရာနှုန်းပြည့် coverage မပေးနိုင်ဘူး၊ လူအင်အားHR ကလည်း ချို့တဲ့တယ်။ အခြားအလုပ်တွေကလည်းရှိနေတယ်။ သူတို့စည်းကမ်းလုံခြုံ ရေးအတွက် လုပ်နိုင်ပေမယ့် food safety အတွက်ကတော့ နေ့စဉ် မစစ်ဆေးနိုင်ဘူး'' ဟု ပြန်လည် ဖြေကြားသည်။

လမ်းဘေးဈေးသည်များကိုအစားအသောက် ဘေးကင်းလုံခြုံရေးအတွက် ပညာပေးခြင်းနှင့်သင်တန်းများပေးဆောင် ရွက်ခြင်းနှင့်ပတ်သက်၍ ''လမ်းဘေးဆိုင်နဲ့ပက်သက်ပြီး သင်တန်းပေးတယ်။  သင်တန်းကို တည်ခင်းရောင်းချသူကိုယ်တိုင် လာမတက်ကြဘူးလေ။ လူစားနဲ့တက်တာတို့ရှိလို့ ဒီလိုပဲ သင်ပေးရတာပဲလေ'' ဟု ၄င်းက ဖြည့်စွက်ပြောသည်။

မြန်မာနိုင်ငံ စားသောက်ဆိုင်လုပ်ငန်းရှင်များအသင်းသည် အသင်း၏အဖွဲ့ဝင်များရှိသော ရန်ကုန်၊မန္တလေး၊ပုဂံ၊ရှမ်းပြည်နယ်နှင့် ကယားပြည်နယ်များရှိ စားသောက်ဆိုင် ၅၀၀ ခန့်မှလုပ်ငန်းရှင်များကို Food Hygiene နှင့်ပတ်သက်ပြီး၍ သင်တန်းများ ပေးခြင်း၊ ဂျပန်နိုင်ငံရှိ စားသောက်ဆိုင်များသို့ လေ့လာရေးခရီးစေလွှတ်ခြင်းနှင့် ထိုင်းနိုင်ငံသို့ အစားအစာဘေးကင်း လုံခြုံမှုရှိရေးနှင့်ပတ်သက်၍ သင်တန်းများ စေလွှတ်ပေးနေကြောင်း သိရသည်။

'' စားသောက်ဆိုင် kitchen ရဲ့ သန့်ရှင်းမှုကို ပညာလည်း ပေးတယ်။ နောက် food production ကို ဘယ်လိုလုပ်လဲ၊ food safety ကို ဘယ်လိုလုပ်လဲဆိုတာ ထိုင်းမှာ Unilever နဲ့ ပေါင်းပြီးတော့ လေ့လာပါတယ် ''ဟု မြန်မာနိုင်ငံ စားသောက်ဆိုင်လုပ်ငန်းရှင်များအသင်း၏ ဒုတိယဥက္ကဋ္ဌဖြစ်သူ ဒေါ်တင်မာမြင့်က My Magical Myanmar ကို ရှင်းပြသည်။

ပြည်ပခရီးသွားဧည့်သည်အများစု အကြိုက်တွေ့ပြီး လာရောက်စားသောက်လေ့ရှိသောရန်ကုန်မြို့၏လူသိများသော စားသောက်ဆိုင်တစ်ခုဖြစ်သည့် ဒဂုံမြို့နယ်၊ခရေပင်လမ်းရှိ Padomar Rest - aurant ၏ မန်နေဂျာဖြစ်သူ ဦးပိုပိုက ဆိုင်ရှိဟင်းလျာချက်ပြုတ်မှုများသည် ကျန်းမာရေးနှင့်ညီညွတ်မှုရှိစေရန် အလေးထားဆောင်ရွက်နေပြီး နေ့စဉ် ပြည်ပဧည့်သည် ပျမ်းမျှတစ်ရာကျော်ကို ကျွေးမွေး နရသည်ဟု ပြောသည်။

မြန်မာနိုင်ငံသို့ လာရောက်လည်ပတ်သည့်စပိန်လူမျိုးတစ်ဦးဖြစ်သူ အန်တိုနီယို( Antonio)က '' အစားအသောက်နဲ့ ပတ်သက်ရင် ခရီးသွားကုမ္ပဏီတွေနဲ့ ဧည့်လမ်းညွှန်တွေ မှတ်ချက်ပြုထားတဲ့ ဆိုင် တွေကိုပဲ စိတ်ချပါတယ်။  လမ်းဘေးဆိုင်တွေ ကို မစားရဲဘူး။ တစ်ခုခု ဖြစ်သွားရင် လာရမယ့်ခရီးစဉ် ပျက်သွားနိုင်ပါတယ်'' ဟု မှတ်ချက်ပေးသည်။

ရန်ကုန်မြို့တော် စည်ပင်သာယာရေးကော်မတီ၊ ကျန်းမာရေးဌာနမှ ဒေါက်တာသန်းသန်းလွင်ကလည်း '' ဟိုတယ်နဲ့ခရီးနဲ့ မိတ်ဖွဲ့ထားတဲ့ဆိုင်တွေရှိပါတယ်။ အဲ့မှာ MRAအသင်းဝင်ဆိုင်တွေ ကတော့ အထိုက်အလျောက် Hygiene ကိုနားလည်တယ်။ MRA အသင်းဝင်ဆိုင်တစ်ချို့ကတော့ ဂျပန်မှာနှစ်ပတ်သင်တန်းတွေတက်ထားတယ်'' ဟု အကြံပြုသည်။

ဖြေရှင်းရမည့် နည်းလမ်းများ
ယခုနှစ် ဖေဖော်ဝါရီလ ၂ရက်၌ ကျင်းပသော ဒုတိယအကြိမ် အမျိုးသားလွှတ်တော် သတ္တမပုံမှန်အစည်းအဝေးတွင် မကွေးတိုင်းဒေသကြီး မဲဆန္ဒနယ်အမှတ်(၄)မှ လွှတ်တော်ကိုယ်စားလှယ် ဦးကြည် ညွန့်က  FDA ၏ပိတ်ပင်ထားသော အစားအသောက်များဈေးကွက်တွင် တွင်ကျယ်စွာရောင်းချနေမှုနှင့် FDA ခွင့်ပြုချက်မပါသော နိုင်ငံခြားဘာသာဖြင့် ရေးသားထားသော အစား အသောက်များနှင့် ဓာတုဆိုးဆေးများ အလွန်အကျွံသုံးစွဲထားသော အစားအသောက်ရောင်းချနေခြင်းကို ထိန်းချုပ်ရန် စီစဉ်ဆောင်ရွက်မည့်ပုံနှင့်ပက်သက်၍ ကျန်းမာရေးနှင့် အားကစား ဝန်ကြီးဌာနသို့ မေးမြန်းခဲ့သည်။

ယင်းနှင့်ပတ်သက်၍ ကျန်းမာရေးနှင့်အားကစားဝန်ကြီးဌာန၊ပြည်ထောင်စုဝန်ကြီး ဒေါက်တာမြင့်ထွေးက ''ဈေးကွက်အတွင်း ထောက်လှမ်းခြင်း၊ တွေ့တဲ့ပစ္စည်းကို ဖျက်သိမ်းခြင်းတွေ  လုပ်ပါတယ်။ ထုတ်လုပ်တဲ့နေရာကိုသွားတယ်။ အဲ့ဒီနေရာတွေမှာ  ပထမတစ်နည်းက  စီမံခန့်ခွဲခြင်းနည်းလမ်းနဲ့ ပညာပေးတယ်၊ခံဝန်ကတိထိုးခိုင်းတယ်။ ဒုတိယနည်းက မရရင် ရောင်းမိန့်ကို ပိတ်ပြီး တရား စွဲ ပါတယ်'' ဟု ပြန်လည်ဖြေကြားခဲ့သည်။

Nature Dream Tour ကုမ္ပဏီ၏ပိုင်ရှင်ဖြစ်သူ ဒေါ်စံပယ်အောင်က နိုင်ငံသူနိုင်ငံသားများ၏ ကျန်းမာရေးအခြေအနေ မြင့်တက်လာစေရန် လမ်းဘေးစားသောက်ဆိုင်များကို FDA နှင့်  ကျန်းမာရေး ဌာနများက သင်တန်းများပေးခြင်း၊ အသိအမှတ် ပြုရောင်းချခွင့်ကတ်များ လုပ်ပေးနိုင်ပါက ပြည်တွင်းက စိတ်ချလက်ချစားလာရာမှ ပြည်ပခရီးသွားဧည့်သည်များပါ ယုံကြည်လာမည်ဖြစ်ကြောင်း သူ၏ ထင်မြင်ချက်ကို ပြောသည်။

'' မြန်မာနိုင်ငံက တစ်ခြားနိုင်ငံတွေလိုပဲ ဖွံ့ဖြိုးဆဲကာလမို့လို့ ဒီလိုအစားအသောက်တွေမှာ သန့်ရှင်းမှုအားနည်းနေသေးတယ်။ ဒါကြောင့် နိုင်ငံခြားသား စားသုံးမှု အားနည်းနေသေးတယ်။ တကယ် သာ FDA က လုပ်ပေးလို့ရှိရင် Local ကလည်း စားလာမယ်၊ နိုင်ငံခြားသားကလည်း စားလာမယ်။ ဆိုင်တွေလည်း ဝင်ငွေလည်းတိုးလာတော့ ပိုသပ်သပ်ရပ်ရပ်နဲ့သန့်ရှင်းလာမယ် '' ဟု ၎င်းက ဆို သည်။

ဂျာမန်လူမျိုး ဧည့်လမ်းညွှန်အလုပ်ကို လုပ်ကိုင်လျက်ရှိသည့် မထက်ထက်ခိုင်ဝါကတော့ သူမတာဝန်ယူရသော ဧည့်သည်များကိုအစားအသောက်နှင့်ပက်သက်၍ မည်ကဲ့သို့ သတိပေးရပုံ ယခုကဲ့သို့ My Magical Myanmar ကို ပြောပြသည်။'' ဧည့်သည်တစ်ခုခုဖြစ်ရင် ဂိုက်ရဲ့ခေါင်းပဲ၊ ဒါကြောင့် ကျန်းမာရေးနဲ့ညီညွတ်တဲ့ဆိုင်ကိုပဲ ညွှန်းပေးတယ်။ ကိုယ့်နိုင်ငံကို ငွေကုန်ကြေးကျခံပြီး လာရတာ ဆိုတော့ နေမကောင်းဖြစ်လို့ ဟိုတယ်အခန်းထဲမှာ နေလိုက်ရတာ မဖြစ်သင့်ဘူးလေ"။

Aung Phay Kyi Soe is a Journalist who worked as Culture, Tourism, Environment and Health Reporter for five years at The Messenger, The Trade Times,DEMOCRACY Today, The Voice and Mawkun In-Depth and Investigative Magazine. He won the Best Feature Award for Climate Change Reporting supported by UN-Habitat and organized by Myanmar Journalism Institute.

0Comments

Leave a Comments